Verkaskipting
Raddir og verkefnisstjóri þeirra
- Kynna keppnina á haustin og senda fulltrúa á kynningar- og fræðslufundi fyrir kennara og skólastjóra eftir því sem óskað er og þörf er á.
- Láta prenta veggspjald keppninnar.
- Aðstoða kennara við val á bestu lesurum hvers skóla ef óskað er.
- Velja það efni sem flutt er við lokahátíð keppninnar í hverju héraði.
- Afla bókaverðlauna handa öllum sem þátt taka í lokahátíð í héraði.
- Afla sérstakra verðlauna í þrjú efstu sæti á lokahátíð.
- Taka þátt í að skipuleggja lokahátíð í samvinnu við heimamenn.
Skólaskrifstofa
- Er tengiliður verkefnisstjóra Radda við kennara og skólastjóra.
- Skipuleggur og boðar kynningar, fræðslufundi og lokahátíð.
- Hefur yfirumsjón með framkvæmd keppninnar í héraði frá upphafi til enda.
Skólastjóri
- Gerir kennurum og nemendum kleift að taka þátt í keppninni með velvilja sínum og stuðningi.
- Er kennurum innan handar og liðkar til með stundaskrá og húsnæði til að unnt sé að standa myndarlega að lokahátíð í skólanum sjálfum.
Kennari
- Tekur formlega ákvörðun um að taka þátt í keppninni með nemendum sínum. Þar með hefur hann ákveðið að taka upp ákveðna kennsluhætti í skólastofunni sem nær til allra nemenda í bekknum. Nemendur eru þar með allir formlegir þátttakendur í keppninni.
- Leiðbeinir nemendum sínum um vandaðan upplestur.
- Skipuleggur lokahátíð í skólanum í samráði við skólastjóra og velur efni til upplestrar í samráði við nemendur.
- Gætir þess að upplestur í skólanum sé bæði lesurum og áheyrendum fyrst og fremst til yndis og ánægju.
Héraðsnefnd
- Er kennurum innan handar við að vekja áhuga foreldra og foreldrafélaga á keppninni.
- Aðstoðar kennara og skólaskrifstofu við að fá hæft fólk í dómnefnd til að velja bestu lesara hvers bekkjar, skóla eða héraðs.
- Er skólaskrifstofum til halds og trausts við undirbúning og framkvæmd lokahátíðar í héraði, einkum við að afla veitinga hjá fyrirtækjum í héraðinu og útvega tónlistaratriði eða annað skemmtiatriði á undan og eftir sjálfri keppninni.